Popular Bible Verses from Va le Roma 12

Share

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko.

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko.

Tsakani kutsumbeni ka nwina, mu timisela kukaratekeni, mu simamisa mu tiyile kukhongeleni.

U nga hlulwi hi kubiha, kanilezi hlula a kubiha hi ku maha zo saseka.

Ranzanani hi liranzo la wumakabye; loyi ni loyi a dzunza munwani ku hunza wutsumbu.

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka.

Loku zi maheka, ni loku nwina mu zi kota, tshamani hi kurula ni vanhu vontlhe.

Mu nga ti photeli varanzekako, kanilezi tlhalukelani a zanga ya Nungungulu; hakuva ku tsalilwe ku ngalo; A kuphota ka mina, mina nzi ta tlhelisela, ku wula Hosi.

Mu nga lolohi kupinyameni ka nwina; vurani moyeni, mu tirela a Hosi.

Hi kota ya tipswalo leti nzi nyikilweko tona, nza laya munwe ni munwani a nga xikari ka nwina, lezaku a nga dzuki a ti alakanyela hi ku hunza fanelo; kanilezi a alakanya hi ku ti koramisa, hi ku ecanyisa ni lipimo la kukholwa leli Nungungulu a aveleko munwe ni munwani.

Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.

Ngha mu hi ni mbilu yinwe munwe ni munwani; mu nga naveli a zilo zi tlakukileko, kanilezi hlengelani ni lava va koramileko. Mu nga ti alakanyeli muku mu tlharihile.

Kanilezi loku a nala wa wena azwa ndlala, mu phamele zakuga; loku azwa tora, muhe zakunwa; hakuva hi ku maha lezo u ta wungeletela a makhala ma vurako hlokweni yakwe.

Va katekiseni lava va mu xanisako; katekisani, mu nga rukateli. Tsakani zinwe ni lava va tsakako, mu rila ni lava va rilako.

Vunetelani a vobasa kuvumaleni kabye; mu amukela vapfhumba hi kutsaka.

Hakuva kotisa lezi hi nga ni ziro zinyingi mirini munwe, ni ziro zontlhe a zi hlengeli ntiro munwe, hizalezo na hinawu lava hi nga vanyingi, hi miri munwe ka Kristu, munwe ni munwani xiro xa vanwani.