Popular Bible Verses from Va le Roma 1

Share

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe.

Hakuva a kululama ka Nungungulu ku wonekelisilwe ka yona, ku huma kukholweni ku yisa kukholweni; khwatsi hi lezi ku tsalilweko ku ngalo: Loyi a lulamileko i ta hanya, hi kukholwa.

Hakuva a matshamela yakwe ma nga wonekiko, wu nga ntamu wakwe wa pinzukelwa ni wunungungulu gakwe, ma wonekile maku dlunya kusukela kuvangiweni ka misava, hakuva ma tibyiwa hi mitiro yakwe. Hikwalaho a va na ku ti pendla.

Hakuva na va mu tivile Nungungulu, a va mu dumisangi kota Nungungulu, hambu ni ku mu bonga; kanilezi va lo hunzukela za hava kualakanyeni kabye, ni timbilu tabye leti ti nga vumala kutlhariha ti lo pfhupeliswa.

Hakuva va lo tsika a zinene za Nungungulu va tsumba mawunwa, va lo khozela ni ku tirela a xivangwa, na ku nga hi Muvangi wa xona, loyi a khesiwako kala kupinzuka. Amen!

Hakuva a zanga ya Nungungulu ya wonekeliswa hi le tilweni hehla ka kontlhe a kungakholwi ni kungalulami ka vanhu, lava va thindekisako a zinene hi kungalulami kabye.

Hi kota ya lezo Nungungulu i lo va nyikela kunaveleni ka kubiha: a vavasati vabye va lo hunzula a mahanyela ya mimiri yabye va maha za tingana. Hizalezo ni vavanuna, va lo tsika a mahanyela yo tiva vavasati, va vura hi ku navelana, a vavanuna va maha lezi za tingana ni vanwani vavanuna, va kuma mimirini yabye a tsayiselelo wu faneleko a kuhambuka kabye. Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko.

Na va ti wula lezaku va tlharihile, va lo maha maphuphulu. Va lo hunzulusa a wukosi ga Nungungulu loyi a nga fiko, gi fanana ni xifananiso xa munhu a fako, ni xa zinyanyani, ni zihari za mune wa milenge, ni zikokakoka.