Popular Bible Verses from Mitsengo 14

Share

Ntsena mu nga ti alisi mu vukela Jehova; kambe mu nga chavi a vanhu va tiko lego, hakuva vona va ta kuva kuga ka hina. A va na wuponelo, hilezi Jehova i na hina; mu nga va chavi.

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Loku Jehova a xalala ha hina, i ta hi enghenisa ka tiko lego, a gi nyika ka hina, gi nga tiko gi khulungako a masi ni wulombe.

Kanilezi a nanza ga mina Kalebi, loyi a nga ni wunwani moya, loyi a lanzelako hi zinene a ndlela ya mina, nzi ta mu enghenisa ka lego tiko a yako ka gona, gi tava gakwe ni pswalo wakwe.

U ta va byela ku ngalo: Kota lezi nzi hanyako, ku wula Jehova, nzi ta mu mahela kota lezi mu wulileko tindleveni ta mina.

Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?

Vontlhe a vanana va ka Israeli va lo ngurela Mosi na Aroni, a tlhangano wontihe wuku ngalo: Mawako ku fela tikweni ga le Gipite, hambu ku fela lomu xiwuleni!

Zonake Joxua a nʼwana wa Nuni, na Kalebi a nʼwana wa Jefuna, va nga lava va nga yile ku ya hlola tiko, va lo hanzula tinguwo tabye; va wulawula ni tlhangano wontihe wa vanana va ka Israeli, vaku: A tiko lego hi yileko hi ya gi hlola, gi sasekile nguvunguvu.

Kanilezi hakunene kota lezi nzi hanyako, a kungangamela ka Jehova ku ta tata misava yontlhe. Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina. Hikwalaho lava vanhu cima va nga ta wona a tiko legi nzi hlambanyileko ka vararu vabye lezaku nzi ta va nyika gona. Cima a nga kona ni munwe wa lava va nzi kanyisileko, a ta nga wona tiko lego.