Popular Bible Verses from Marku 9

Share

Jesu aku ngalo kakwe: Loku nzi zi kota! Zontlhe za koteka ka loyi a kholwako.

Zonake a raru wa nwanana i lo kanyuluka, aku: Nza kholwa; nzi ponise ka kungakholwi ka mina.

Laha Jesu a nga wa enghenile ndlwini, a vapizani vakwe va lo mu wutisa na va hi voce, vaku: Hina hi tsanzekile hi yini ku wu humesa ke? Aku ngalo kabye: A lixaka lolu a li humeswi hi xinwani xilo, ahandle ka kukhongela.

A munyu wu sasekile, kanilezi loku munyu wu pswhama, mu ta wu lunga hi yini ke? Tshamani ni munyu nzeni ka nwina, mu hi ni kurula munwe ni munwani.

Kani hi wihi a ta nga amukela munwe wa vanana va kunghahi hi vito ga mina, i amukela mina; ni wihi loyi a nzi amukelako, a nga amukeli mina, kanilezi i amukela loyi a nzi rumileko.

Hakuva kani hi wihi a ta nga mu nyika khokho ga mati a kunwa, hilezi mu nga va ka Kristu, hizinene nziku ka nwina, a nga ta lahlekelwa hi nchachazelo wakwe.

Kani hi wihi a khunguvanyisako munwe wa lava va tsongwani va kholwako ka mina, zi ngava chukwana ka yena lezaku a ribye ga xigayo gi khonekwa nhanwini yakwe, a rikhiswa bimbini.

Loku a tihlo ga wena gi ku khunguvanyisa, gi xokole; zi ku sasekele a kuva u enghena mufunweni wa Nungungulu na u hi ni tihlo ginwe, ku hunza a kuva u hi ni mahlo mambiri, u hoxwa Gehena