Popular Bible Verses from Marku 2

Share

Laha Jesu na a zi zwile i te ngalo kabye: Lava va hanyako a va lavi nʼanga, kanilezi lava va babyako. Mina a nzi telangi ku ta vitana a valulamileko, kanilezi a vaonhi.

Jesu na a wona a kukholwa kabye, aku ka loyi a nga file reve ga tlhelo, Nwananga, a zionho za wena zi tsetselelwe.

Zonake i te ngalo kabye: A sabado gi lo mahelwa munhu, a hi munhu a nga mahelwa sabado.

Laha va nga tsanzeka ku tshinela ka yena hi kota ya xidlemo, va lo tlhatlha a langwa la yindlu leyi a nga hi ka yona; laha na va li hoxile, va lo releta a lihlaka leli a nga etlele ka lona loyi a nga file reve ga tlhelo.

Kanilezi kasi ma fela ku zi tiva lezaku a Nʼwana wa munhu i na ni ntamu misaveni a ku tsetselela zionho (i lo wula ka loyi a fileko reve ga tlhelo): Mina nza wula ka wena, Vuka, u teka sango ga wena uya kaya.

Hi xihi xi hehukako, a ku wula ka loyi a fileko reve ga tlhelo: A zionho za wena zi tsetselelwe, kutani ku ngalo: Suka, u teka sango ga wena, u famba?

Zonake i lo vuka, a teka sango a huma mahlweni ka vona vontlhe; hikwalaho vontlhe va lo hlamaliswa, va dumisa Nungungulu, vaku: Cima a hi wonangi zakunghahi.