Popular Bible Verses from Mateu 7

Share

Kombelani, mu ta nyikiwa; lavani, mu ta zi kuma; gongonzani, mu ta vululelwa.

Hakuva kani hi mani a kombelako, wa nyikiwa; ni loyi a lavako wa zi kuma; ni loyi a gongonzako i ta vululelwa.

Hikwalaho kani hi mani loyi a zwako a timhaka leti ta mina, a ti maha, i ta fanana ni munhu a tlharihileko, loyi a nga aka yindlu yakwe laha ribyeni.

Hikwalaho zontlhe lezi mu ranzako a kuva vanhu va zi maha ka nwina, va maheleniwo zona; hakuva lezi i nayo ni vaprofeti.

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Enghenani hi nyangwa yo hlongana; hakuva a nyangwa yi yako kulobyisweni yi anamile, ni ndlela yi komamako kona yi kulile; mbanyingi va fambako ha yona.

Hikwalaho loku nwina, na mu bihile, mu zi tiva ku nyika leʼzo saseka ka vanana va nwina, nguvunguvu a Raru wa nwina wa le tilweni a nga ta va nyika zilo zo saseka lava va mu kombelako ke?

Mu nga lamuli, kasi ma kala ku lamuliwa. Hakuva mu ta lamuliwa hi kulamula loku mu lamulako ha kona vanwani; ni xiringaniso lexi mu ringanisako vanwani ha xona, mu ta ringaniswawu ha xona.

Ni kani hi mani loyi a zwako a timhaka ta mina, a nga ti mahi, i ta fanana ni munhu wa phuphulu, loyi a nga aka yindlu yakwe vunyeni.

Hi yini u cuwukisako a xitoti lexi xi nga lomu tihlweni ga makabye wa wena, kanilezi u nga woni a tsanza lowu wu nga tihlweni ga wena nwinyi ke? U ta wulisa kuyini ka makabye wa wena, uku: Khwatsi, nzi susa a xitoti xi nga lomo tihlweni ga wena; kasi lezo ku na ni tsanza ka ga wena tihlo?

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Mu ta va tiva hi mihanzu yabye. Kunene a vanhu vakota mauva mizweni ke, ni makuwu le makahweni ke?

Zinghaho ni tisinya tontlhe to saseka ti pswala mihanzu yo nanziha; kanilezi a sinya yo biha yi pswala mihanzu ya kubiha.

A sinya yo saseka a yi zi koti ku pswala mihanzu ya kubiha, hambu ni sinya yo biha a yi zi koti ku pswala mihanzu yo nanziha.

A sinya yinwe ni yinwani leyi yi nga pswaliko mihanzu yo nanziha, yi tsemiwa, yi hoxiwa nzilweni.