Popular Bible Verses from Mateu 27

Share

Hi hora ya wuntlhanu ni mune, Jesu i lo vitana hi gezu ga hombe, aku: Eli, Eli, lama sabaktani? Lezo hi ku ngalo: Nungungulu wa mina, Nungungulu wa mina, u nzi tsikele yini?

Languta, a xisirelo xa tempeli xi lo hanzuka hi laha xikari, kusukela hehla kala lahasi; a misava yi lo tsekatseka, a maribye ma panzeka; A zilahla zi lo vululeka, ni mimiri ya vanyingi laʼvo basa lava va nga file yi lo vuxiwa.

Jesu i lo engeta a keta hi gezu ga hombe, a nyikela moya.

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu!

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune.

Pilatu aku ngalo kabye: Zonake nzi ta maha yini ha Jesu loyi a tibyako Kristu? Vontlhe vaku: Ngha a belelwa! Yena aku: Hikuyini, kubiha muni a ku mahileko ke? Kanilezi va lo kanyuluka nguvu, vaku: Ngha a belelwa!