Popular Bible Verses from Luka 3

Share

Laha vanhu vontlhe va nga bapatizilwe, Jesu kambe i lo bapatizwa. Na a kari a kombela, a tilo gi lo vululeka, ni Moya wa ku Basa wu lo relela hehla kakwe hi dzumba ga tuva, ni gezu gi lo huma hi le tilweni, giku: Wena u Nʼwana wa mina a ranzekako, nzi xalele ha wena.

Johani i lo hlamula, aku ngalo ka vona vontlhe: Mina nzi mu bapatiza hi mati; kanilezi wa hata loyi a nga ni ntamu ku nzi hunza, loyi a tingoti ta zilato zakwe nzi nga faneliko ku ti tlhatlha; i ta mu bapatiza hi Moya wa ku Basa ni nzilo.

Humesani mihanzu yi faneleko kuhunzuluka, mu nga dzuki mu wula timbilwini ta nwina: Hi na Abrahama, a nga dadani wa hina; hakuva nza mu byela, lezaku Nungungulu i na ni ntamu ku vuxela Abrahama a vanana hi maribye laya.

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi nene ti ta tsemiwa, ti hoxiwa nzilweni.

Kota lezi ku tsalilweko bhukwini ga timhaka ta muprofeti Isaya, aku ngalo: A gezu ga loye a bako hungu xiwuleni, giku: Longiseleni a ndlela ya Hosi, Mahani magonzo ya yona ma lulama. A minzhelelo yontlhe yi ta seletelwa, Zontlhe zitsunga ni zitsungana zi ta khungumulwa; Laha ku nga ni magombogombo ku tava ndlela yo lulama, Ni tindlela ta magomagoma ti ta ecetelwa; Zonake a nyama yontlhe yi ta wona a kuhanyisa ka Nungungulu.