Popular Bible Verses from Levi 26

Share

Nzi ta fambafamba xikari ka nwina, nziva Nungungulu wa nwina, nwina muva vanhu va mina.

zonake nzi ta mu nyika tivula hi zikhati za tona; ni misava yi ta humesa a pfuno wa yona, ni tisinya ta lomu masinwini ti ta pswala mihanzu ya tona.

Loku mu famba hi milayo ya mina, mu hlayisa zileletelo za mina, mu zi maha

Nzi ta vanga kurula lomu tikweni ga nwina; mu ta etlela khwatsi na mu nga dzukiswi hi munhu. Nzi ta hetisa zivanza lomu tikweni ga nwina, ni supado yi nga ta enghena lomu tikweni ga nwina.

Nzi ta mu khatalela, nzi mu anzisa mu tala, nzi hlayisa a xivumelwano xa mina zinwe na nwina.

Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Nzi ta aka a yindlu ya mina xikari ka nwina, ni muhefemulo wa mina wu nga ta swireka ha nwina.

Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.

Mu taga a mavele laya ma tshovelweko kale, kala mu ma humesa hi ku chela mavele ya maswa.

A ntlhanu wa vanhu va ka nwina va ta hlongolisa a zana ga vanhu, ni zana ga va ka nwina Va ta hlongolisa a zana ga mazana; a valala va nwina va ta dawa hi matlhari ya nwina.

Lomu tikweni ga nwina, a xikhati xa ku hula xi ta chikela xikhatini xa ku kamela vinya; ni xikhati xa ku kamela vinya xi ta chikela xikhatini xa ku byala. Mu taga zakuga za nwina mu xura, mu tshameka khwatsi lomu tikweni ga nwina.

Mu ta hlongolisa a valala va nwina, va ta dawa hi tisupado ta nwina.

Mu ta hlayisa a masabado ya mina, mu chava wutshamu ga mina ga kubasa. Hi mina Jehova.