Popular Bible Verses from Joxua 10

Share

Zonake a gambo gi lo yima, ni hweti yi lo yima, Kala a vanhu va ti photela ka valala vabye. Lezi a zi tsaliwangi lomu bhukwini ga Loyi a Lulamileko ke? A gambo gi lo yima le tilweni gi nga hatlisi ku pela siku gontlhe.

Zonake Joxua i lo wulawula ka Jehova ka lego siku Jehova a nga nyikela vaAmori ka vanana va ka Israeli, aku; Gambo, yima hehla ka Gibeoni; Na wena hweti, le minzhelelweni ya Ajaloni.

Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena.

Na Joxua i te ngalo kabye: Mu nga chavi, hambu ni ku tsemeka hlana, tiyani muva ni wunhenha, hakuva Jehova i ta maha 20 kota lezi ka vontlhe valala va nwina lava mu lwako navo.