Popular Bible Verses from Jeremia 7

Share

Hakuva a nzi byelangi a vararu va nwina, hambu a ku va laya hi tlhelo ga minyikelo ya kuhiswa ni miphahlo, a ka siku lego nzi nga va humesa tikweni ga Gipite. Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi.

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Hakuva loku mu chukhwatisa a mahanyela ya nwina ni mitiro ya nwina, loku mu lamula hi kululama xikari ka munhu ni muakelwani wakwe, loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; zonake nzi ta maha nwina mu aka ka wutshamu legi, a tikweni nzi nyikileko a vararu va nwina kala kupinzuka.

Jehova wa tiyimpi, a Nungungulu wa Israeli, i ngalo: Chukhwatisani a mahanyela ya nwina ni mitiro ya nwina, zonake nzi ta mu vumela ku simamisa mu aka ka wutshamu legi.