Popular Bible Verses from Valamuli 7

Share

Jehova aku ka Gideoni: Va tele nguvu a vanhu lava u nga navo, laha kaku a nzi zi koti ku nyikela vaMidiani canjeni gabye, hakuva Israeli va nga ti dzunza va nzi vukela, vaku: Hi lo ti tlhatlhisa ha hoce.

Jehova aku ka Gideoni: Nzi ta mu tlhatlhisa hi vanhu lava va 300 va kapiteleko mati; nzi ta nyikela vaMidiani mandleni ya wena na vona. Kanilezi a vanwani a va tlhele, loyi ni loyi a famba kaya kakwe.

Hikwalaho famba makunu u ya byela vanhu uku: Loye a chavako a rurumela, a suke xitsungeni xa Gileade a tlhelela kaya. Laho ku lo tlhela 22,000 wa vavanuna, ku sala ntsena 10,000 wa vavanuna.

Jehova i lo engeta aku ka Gideoni: A vanhu va ha tele nguvu. Relela navo le matini nzi ta ya ku hlawulele lava u ta nga famba navo. Loye nzi ta nga ku byela, nziku: Loyi i ta famba na wena; yaloye i ta famba na wena. Ni wihi nzi ta ngaku ka wena: Loyi u nga fambi naye; a nga fambi.

Zinghaho Gideoni i lo relela ni vanhu le matini. Jehova aku ka Gideoni: Kani hi wihi loyi a kapitelako mati hi lirimi lakwe khwatsi i mbyana, u ta mu yimisa tlhelo; zinghaho ni lava va ta nga khizama hi madzolo yabye vanwa. A tsengo wa lava va kapiteleko mati nonwini hi mandla yabye va wa hi 300 wa vavanuna; kanilezi lava vanwani vontlhe va lo khizama hi madzolo va korama vanwa mati.