Popular Bible Verses from Isaya 55

Share

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Khwatsi hi matilo ma tlakukile ko ku hunza misava, Zinghaho a tindlela ta mina ti tlakukile ku hunza ta nwina, Ni maalakanyo ya mina ma hunza ya nwina.

Hlotani Jehova na a ha kumeka, Mu vitaneni na a ha hi kusuhani!

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala.

Kota lezi a vula ni gapongo zi nako hi le tilweni, Zi nga tlheliko na zi nga se ku tsakamisa misava, Zi yi nonisa ni ku yi milisa, Kasi ya nyika mbewu ka mubyali, ni zakuga ka mugi; Yi tava tano a mhaka ya mina yi humako nonwini wa mina; Yi nga ta tlhelela ka mina mahala; Kanilezi yi ta maha lezi nzi zi xuvako, Yi ta hetisa lezi nzi yi rumeleko zona

Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida.