Popular Bible Verses from Va le Galatia 5

Share

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, ni kuolova, hi kutikhoma; a wu kona nayo wu alako a zakunghahi.

Kanilezi nzi ngalo: Fambani hi ka Moya, lezo mu nga ta maha a kunavela ka nyama.

Loku hi hanya hi ka Moya, a hi fambeni hi ka Moya.

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona.

Makunu a mitiro ya nyama yi la su dlunya, yi nga leyi: a kubhaya, a kungahlazeki, a wurembi, Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana, a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu.

Vamakabye, mu vitanelwe kutlhatlheka; kanilezi mu nga tirisi a kutlhatlheka ka nwina lezaku mu famba hi ka nyama, kanilezi tirelanani hi liranzo.

Hakuva a nyama yi navela lezi zi lwako ni kunavela ka Moya, ni wona Moya wu navela lezi zi lwako ni kunavela ka nyama; lezi zimbiri za bangana; lezaku kasi mu nga mahi a zilo lezi mu zi ranzako.

Hakuva a nayo wontihe wu hlengeletelwe mhakeni leyi ya yinwe yaku: U ta ranza a waakelane wa wena kota lezi u ti ranzako wutsumbu.

Ngha hi nga dzuki hi ti lavela a wudzunzo ga hava, hi vukana, ni ku navela za munwe ni munwani.

Kristu i lo hi tlhatlhisa lezaku hiva va tlhatlhekileko. Hikwalaho yimani mu ku nde, mu nga khungwi kambe pingwini ga wukhumbi.