Popular Bible Verses from Ezekieli 37

Share

Aku ka mina: Profeta ka marambu lawa, uku ka wona: Nwina marambu ma womileko, zwanani a gezu ga Jehova! Hosi Jehova i ngalo ka marambu lawa: Nzi ta enghenisa a moya ka nwina, mu hanya.

Nzi ta vekela misiha ka nwina, nzi milisa a nyama hehla ka nwina, nzi mu fenengeta hi hlonge, nzi enghenisa moya nzeni ka nwina, mu ta hanya; mu ta zi tiva lezaku hi mina Jehova.

Aku ngalo ka mina: Nʼwana wa munhu, a marambu lawa ma nga tlhela ma hanya ke? Mina nzi hlamula, nziku: Hosi Jehova, zi tibyiwa hi wena

A canja ga Jehova gi wa hi hehla ka mina, i lo nzi humesa hi Moya wa Jehova, a ya nzi veka lomu xikari ka livala li nga wa tele hi marambu. I lo nzi maha nzi ma renzelekela laha kusuhani; languta, ma wa tele lomu livaleni, na ma womile nguvu.

Nzi lo profeta kota lezi nzi nga wa leletelwe. A xikhati nzi nga wa profeta ku lo zwala a guwa, zalezo ku wa suva ni wugotsogotso, a marambu ma tlhangana ma lungelelana ginwe ka ginwani. Nzi lo wona a misiha ka wona, ku mila ni nyama, ni hlonge yi lo ma fenengeta; kanilezi ku wa nga hi na moya nzeni ka wona.