Popular Bible Verses from Ezekieli 34

Share

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama

Hakuva Hosi Jehova i ngalo: Mina wutsumbu nzi ta lava tiyivu ta mina, nzi ti hlotisisa.

Mina wutsumbu nzi ta risa tiyivu ta mina, nzi ti etlelisa lahasi, ku wula Hosi Jehova.

Nwina tiyivu tanga, a ntlhambi nzi wu risako, mu vanhu; mina nzi Nungungulu wa nwina, ku wula Hosi Jehova.

Nʼwana wa munhu, profetela a varisi va ka Israeli, uku: Hosi Jehova i ngalo: Yowe, a varisi va ka Israeli, lava va gisako wutsumbu gabye! kasi a varisi a va faneli ku gisa a tiyivu ke?