Popular Bible Verses from Deuteronome 30

Share

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena; u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

lezi nzi ku leletelako nyamutlha a ku ranza Jehova Nungungulu wa wena, ni ku famba hi tindlela takwe, ni ku hlayisa milayo yakwe, ni timhaka takwe, ni zileletelo zakwe, kasi wena wa fela ku hanya ni ku anza, kasi Jehova Nungungulu wa wena i ta ku katekisa ka tiko legi u yako ku ya gi fumela.

Cuwuka inyamutlha nzi vekile mahlweni ka wena a wutomi ni zinene, a kufa ni kubiha

Kanilezi a gezu gi kona kusuhani nguvu na wena, lomu nonwini wa wena, ni lomu mbilwini ya wena, kasi wena wa fela ku gi hlayisa.

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya.

Na Jehova Nungungulu wa wena i ta anzisa makatekwa ya wena ka yontlhe mitiro ya mandla ya wena, i ta anzisa a pswalo wa miri wa wena, ni pswalo wa zifuyo za wena, ni mihanzu ya misava ya wena; hakuva Jehova i ta tlhela a tsaka ha wena a ku katekisa, khwatsi hi lezi a nga wa tsakile hi vararu va wena

Kanilezi loku a mbilu ya wena yi hambuka, yi nga ingisi, yi vumela ku kokiwa yi ya khizama mahlweni ka vanwani vanungungulu ni ku va khozela, mina nza mu byela nyamutlha lezaku futsi mu ta lova. Cima mu nga tava ni masiku yo leha lomu tikweni legi mu yako ka gona ku ya gi fumela le tlhatuko wa Jordani.

Hakuva a nayo lowu nzi ku leletelako wona nyamutlha a wu tsanzi, hambu ni kuva kule na wena.

A wu le tilweni ko kala uku: Himani a ta nga kanziha tilweni a ya hi tekela wona, a ta hi gonzisa kasi ha fela ku wu maha ke?

Na wona cima a wu le tlhatuko wa bimbi ko kala uku: Himani a ta nga hi tlhatukela a bimbi, a ya hi tekela wona, a ta hi gonzisa kasi ha fela ku wu maha ke?