Popular Bible Verses from Deuteronome 11

Share

mu ta ti gonzisa ka vanana va nwina, mu wulawula ha tona lomu tindlwini ta nwina, ni lomu kufambeni ka nwina, ni lomu kuetleleni ka nwina, ni lomu kuvukeni ka nwina

Hikwalaho enghenisani timhaka leti nzi mu byelako tona lomu timbilwini ta nwina ni lomu mihefemulweni ya nwina; mu ti boha lomu mawokweni ya nwina ti maha xialakanyiso xa nwina, ni xikombiso xikari ka zimombo za nwina

Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina, nzi ta nyika a vula ka tiko ga nwina hi tinguva ta kona, a vula ya tsangela nguva, ni vula yo gumesa; u ta hula a mbewu ya wena, ni vinya ga wena, ni mafura ya wena.

U ta ranza Jehova Nungungulu wa wena, u hlayisa lezi a zi wulileko ka wena, u hlayisa xontlhe xikhati a ziyimiso zakwe, ni zileletelo zakwe, ni milayo yakwe.

Languta, nza veka inyamutlha a xikatekiso ni nzhukano mahlweni ka nwina. A xikatekiso loku nwina mu ingisa a milayo ya Jehova Nungungulu wa nwina leyi nzi mu leletelako inyamutlha. Ni nzhukano loku mu nga ingisi a milayo ya Jehova Nungungulu wa nwina, ni loku mu hambuka ka ndlela leyi nzi mu leletelako inyamutlha, mu lanzela vanwani vanungungulu lava mu nga va tiviko.

u ta ti tsala lomu tinyangweni ta wena, ni lomu timhanzeni ta yindlu ya wena, kasi a masiku ya nwina ni masiku ya vanana va nwina ma anza lomu tikweni legi Jehova a hlambanyileko ka vararu va nwina ku mu nyika gona ma ku khwatsi hi masiku ya tilo hehla ka misava.

Ti woneleni lomu timbilwini ta nwina, mu nga dzuka mu ringiwa, zonake mu hambuka, mu ya tirela vanwani vanungungulu, mu khizama mahlweni ka vona.