Popular Bible Verses from 2 Tihosi 2

Share

Makunu laha va nga wa tlhatukile, Elija i te ngalo ka Elixa: Kombela lezi u zi lavako a kuva nzi ku mahela zona na nzi nga se ku tekiwa mahlweni ka wena. Elixa i te ngalo kakwe: Nzi kombela lezaku nzi hiwa a xiavelo xa moya wa wena xi wuyetwa kumbiri.

Zonake laha va nga ha famba, na va kari va wulawula, ku lo woneka a kareta ya nzilo ni mahaxi ya nzilo; yi lo ta va hambanyisa, Elija a tlakuselwa tilweni hi xipupuri.

Elija i te ngalo: U kombele a xilo xo tsanza. Kanilezi loku wa nga nzi wona ni ku tekiwa, u ta mahelwa lezo. Kanilezi loku u nga nzi woni ni ku tekiwa, lezo zi nga ta maheka.

I lo teka a nguwo ya Elija, leyi a nga wa yi siyile, aba ha yona a mati, aku: I kwihi Jehova Nungungulu wa Elija? Zalezo yenawu i loba a mati, ma si avanyeka maya seno ni seno; Elixa a tlhatuka.

Elixa i wa kari a mu wona; i loba huwa aku: Dada, dada! Wena u nga tikareta ta ka Israeli ni vakhileli va mahaxi ya kona! A nga ha mu wonangi kambe. Zonake Elixa i lo tlemerela a tinguwo takwe a ti hanzula hi laha xikari.

Zonake Elija i lo teka a nguwo yakwe a yi petsa, aba ha yona a mati ya congo, a mati ma avanyeka maya seno ni seno. Vona vambiri va lo tlhatuka muhanzeni wu womileko.

Makunu laha Jehova a nga wa laya ku ta teka Elija a mu yisa tilweni hi xipupuri, Elija i wa sukile le Gilgali zinwe na Elixa.