Popular Bible Verses from 1 Samueli 28

Share

Laha Saule a nga wa wonile a mabutho ya vaFilistia, i lo chava, a mbilu yakwe yi rurumela nguvu. Saule i lo wutisa Jehova, kanilezi Jehova a nga mu hlamulangi nchumu, hambu ni kulora, hambu ni Urima, ge hambu vaprofeti.

Zonake Saule i te ngalo ka malanza yakwe: Nzi laveleni wasati loyi a zi tivako ku vumbula vakufa, kasi nza fela kuya kakwe nzi ya mu wutisa. A malanza yakwe ma te ngalo kakwe: I kona wasati loyi a zi kotako ku vumbula vakufa le mutini wa Endora. Saule i lo ti hunzula a ti maha kota munwani munhu, a ambala tinwani tinguwo, a famba ni vavanuna vambiri. Va lo chikela ka wasati ni wusiku. Saule aku: Hi nga nzi hlahluva, u nzi vumbulela loye nzi ta nga ku byela.