Popular Bible Verses from 1 Pedro 5

Share

Vekani hehla ka yena kontlhe a kukarateka ka nwina, hakuva wa mu khatalela.

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana.

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Mu kaneteni hi kutiya kukholweni ka nwina, na mu tiva lezaku a kuxaniseka ka kunghahi ku humelela a vamakabye va nwina vontlhe va nga lomu misaveni.

Hikwalaho ti koramiseni lahasi ka canja ga ntamu wa Nungungulu, kasi yena wa fela ku mu kulisa hi xikhati xi faneleko.

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.