Popular Bible Verses from Matewu 28

Share

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage. Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Aholu ngilozi yi di khusa lito, yi embela vanyamayi vale, khiyo: “Mu nga thavi; nyi ngu dziti nya gukheni mwa gu vbweta Jesu a nga khokhothedwago. Mwalo avba. Wugide, kha nga idzo a nga ganelago khidzo. Deluni muta wona avbo a nga bani lade avbo.

Jesu a di va embela, khuye: “Mu nga thavi gilo; indrani muya tivisa vandriyangu va hongole Galileya, va na nyi wonela iyoyo.”

Ava va di gira tshangano ni madhota, va gu pwana gulivba dzitsapawu nya dzingi masotshwa yale, va ma laya, khavo: “Indrani khenu vapizane vaye va di ta ni vbakari nya wutshigu vata mu ba na hi lade. Sa gu tidwa isoso khu mwamangulu Pilato, mu nga thavi, ethu khethu hi na gu si tigo. Kha na mi gira gilo.” Na va hakhide dzitsapawu, va di gira kha nga idzo va nga embedwago khidzo. Khidzo kharati va embeledzanago khidzo Vajudha kala matshigu ya muhuno.