Popular Bible Verses from Mitengo 14

Share

Mu nga wugelini PFHUMU Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu PFHUMU Nungungulu a na ni ethu. Mu nga va thavi!”

Eni PFHUMU Nungungulu nyi ngu hwela gu goroga, Nyi na ni wuhindzi ni gu divalela; nyi tsetselelago milandru ni sighoho; gambe kha nyi digi gu tsayisa avo va ghohidego, nyi ngu tsayisa sanana khu sighoho sa vavelegi, kala gitugulwana nya wuraru nigyo nya wu na.

Nari gukhwatshi gugola ga PFHUMU Nungungulu gu na ni ethu, a hi vbohisa ga litigo lolo, a hi ninga li khala lathu, litigo nya ladi li gogago mahwe ni wulombe!

Aholu, githumi gyangu Kalebi, nyi na mu vbohisa ga litigo lolo a hongodego aya li sola, li na khala laye ni la livelego laye, kholu a nga tedwago khu liphuvbo nya guhambane ni vambe, ni olu a landrisago khu lisine ndzila yangu

U na va embela, khuwe: Kha nga olu nyi vbanyago, a ngu ganela PFHUMU Nungungulu, nyi na mu girela kha nga edzi mu ganedego dzindzeveni gwangu.

PFHUMU Nungungulu a di embela Mosi, khuye: “Kala lini vathu na va gu nyi yeyisa? Kala lini na va bomba gu nyi tumba? Ambari na nyi giride sisamadziso nya singi vbakari gwawe?

Va na Israyeli vatshavbo gumogo ni tshangano watshavbo va di ngurangura va wugela Mosi ni Aroni, va ganela khu gyawe, khavo: “I tshukwana na hi fede tigoni ga Egipito mwendro giwulani momu!

Khu guralo, Josuwa, mwamana wa Nuni gumogo ni Kalebi, mwamana wa Jefoni, a gu vamowo nya vale va nga hongolago guya holelela litigo, va di pferula guambala gwawe, va gu ganela ga tshangano watshavbo wa na Israyeli, khavo: “Litigo hi nga li tsemakanya hi li holelela, litigo nya ladi ngudzu.

Aholu, khu lisine, kha nga olu nyi vbanyago ni wudhumo wa PFHUMU Nungungulu wu na tadzago litigo, nyi ngu tiyisa gukheni mwalo ni moyo ga vathu vatshavbo va wonidego wudhumo wangu, ni sisamadziso nyi giridego tigoni ga Egipito ni giwulani, aholu va nyi lingidego likhumi dzinyondro, va si yingisi lito langu; mwalo ni moyo a na wonago litigo eli nyi sambanyidego gu ninga vababe vawe, mwalo na moyo nya ava va nga nyi yeyisago a na gu li wona.