Popular Bible Verses from Josuwa 23

Share

Olu, wonani nya gukhenu, muhuno mu ngu landra ndzila ya vatshavbo va tigoni momu; gasi enu mu ngu dziti khu monyo wanu watshavbo ni hefemulo wanu watshavbo gukhenu gi mwalo ni gimwegyo gitumbiso gi thegidego ga magana yatshavbo nya yadi aya PFHUMU Nungungulu wanu a ganedego khu kotani gwanu ma ngamba girega; aholu yatshavbo ma tadzisegide, gu mwalo ni limwedo basi li tandregidego.

Khu guralo, dzi garadzeni khu gu vegedza hefemulo wanu gasi mu fela gu gola PFHUMU Nungungulu wanu.

Muthu moyo basi wa na gyanu a na lundra likhumi mazana (1.000) vama, kholu PFHUMU Nungungulu wanu, khuye a dwanago khu enu, kha nga a mi tumbisidego.

Aholu namarelani ga PFHUMU Nungungulu wanu, kha nga idzo mu giridego kala na muhuno

Gasi olu, dzi garadzeni ngudzu khu gu vegedza ni gu landrisa satshavbo esi si lovidwego umo nya Libhuku nya Nayo wa Mosi, gasi mu si hambani nawo, mu si ndreyi guya nyamudye mwendro nyambade