Popular Bible Verses from Isaya 9

Share

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPFHUMU Nungungulu nya Tshivba Yatshavbo wu na gira isoso.

Kholu silato satshavbo masotshwa ma nga bani ma hongola khiso nyimbitunu, ni guambala gwatshavbo gu naganidego khu novba, si na vbiswa, si na khala nga dzikhuni niloni.

Aholu vathu va randredwego khu sigaradzo, gima kha va na wona gambe gidema. Ga matshigu ma vbindridego, Nungungulu thede dzitshoni litigo la Zebhuloni ni la Nafitali; aholu guhegisani, a na zundza ndzila ya phwani, khisikheyi nya tsongo wa Joridhani, ni Galileya wa va nya mayigo.

U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.