Popular Bible Verses from Isaya 6

Share

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide PFHUMU Nungungulu nya Tshivba Yatshavbo, mafuni gwatshavbo gu tade khu wudhumo waye.”

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Yi di nyi pfodza likana khu ligala, yi nyi embela, khiyo: “Wona nya gukhuwe nyi khuhide sihofu sago; sighoho sago si handzidwe, sihoso sago si ditshedzidwe.”

Vbatshani gwaye gu di emide dziserafini; mweyo ni mweyo nya idzo, yi diri ni livbandre na limwedo mambapi; mambapi mavili ma di fenengedza khovbe, mambe mavili ma di fenengedza mawundru, dzi vbuvba khu mambapi mavili.

Khavbo avbo, serafini mweyo yi di vbuvba yi nyi tela; na yi pharide ligala nya nilo mandzani, yi nga vbalago khu gipharo vbagiluvelotunu.

Khavbo avbo, Uye a di nyi embela, khuye: “Gimbila u ya embela vathu vovo, khuwe: Mu na pwa khu dzindzeve dzanu, aholu kha mu na si pima; mu na khedza khu maho yanu, aholu kha mu na wona gilo.”

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.