Popular Bible Verses from Isaya 33

Share

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo PFHUMU Nungungulu.

PFHUMU Nungungulu, hi pwele wusiwana, kholu ethu ha gu tumba uwe! Khala uwe tshivba yathu khu litshigu ni litshigu li gyago, ni muvbanyisi wathu gikhatini nya mhango.

Aholu PFHUMU Nungungulu khuye mulamuli wathu, PFHUMU Nungungulu khuye muvegi nya nayo wathu, PFHUMU Nungungulu khuye Mufumeli wathu; khuye a na hi vbanyisago.

Wule a gimbilago khu ndzila nya gululame ni gu ganela lisine; oyu a si khathaligo khu dzithomba nya guphangwe, oyu a si hakhigo khu mandzani gwaye silo nya gu rengeledwe; oyu a tshikago dzindzeve gasi a si yingisi mahungu nya gusonge, oyu a segago maho gasi a si woni guvivba. Khuye oyu a na khalago wulanga nya gukhugege; makhokhola nya siwindri ma na bani mari wuthavelo waye nya gutiye, a na ningwa guhodza gwaye, a sela mati khu gikhati gi vbwetegago.