Popular Bible Verses from Isaya 30

Share

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Ambari khu guralo, PFHUMU Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu PFHUMU Nungungulu nya gululame; va kategide vatshavbo vale va mu tumbago.

Kholu Mune, PFHUMU Nungungulu, Nyaguage wa Israyeli, a ngu ganela kharati, khuye: “Mwa gu vbindrugedza mu dzi rudzisa mu wuya eno gwangu, mu nata mana guvbanya; tshivba yanu yi di hadza gu mana gutangala ni gitumbo, aholu enu kha mwa dzumela, mu di bomba.”

Ambari Pfhumu a gu mi ningani gibaba nya sigaradzo ni mati nya wuvi, vahevbudzi vago kha va na sihala gambe. U na wona vahevbudzi vago khu maho yago kamwe.

Kholu vathu va na vbanya Siyoni ni Jerusalema, gima kha va na lila gambe; mwa gu lilani avbo gwaye, khu lisine uye a na mi pwela gisiro, a mi yingisa a vbiredza gu mi ningani phindrulo.

PFHUMU Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!