Popular Bible Verses from Muhevbudzi 9

Share

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Nyi di bwelo khavbo nyi wona gambe mafuni momu, kheni: Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.

Vbanya khu gutsaka ni mwangadzi wago u mu haladzago, matshigu yatshavbo nya gurole u ningidwego khu Nungungulu mafuni momu.

Olu indra uya dzi hodzela khu gutsaka u sela vbinyu yago monyo wago na wu salalegide; kholu, PFHUMU Nungungulu a ngu tsaka khu mithumo yago.

Guti gu na ni giphaso guvbindra matshari nya nyimbi, aholu gighohi gimwegyo basi gi ngu kodza gu ghohetela silo nya singi nya sadi.

Magana nya gurule ya vathu nya guti ma gu yingiswa ngudzu guvbindra gulaledza ga muthangeli vbakari ga vathu nya sipumbu.

Avo va vbanyago va ngu dziti gukhavo va nafa, aholu vale va fudego kha va pimi gambe gilo, ambari gu mana tshatshazelo, kholu kha va dundrugi gambe.