Popular Bible Verses from Muhevbudzi 7

Share

U nga vbiredzeli gu goroga, kholu, likhulo lomo myonyoni nya sipumbu.

Tsaka khu matshigu nya makategwa; aholu khu matshigu nya gutshaniseke alakanya Nungungulu a giridego eli litshigu ni lile, gasi muthu a si tuguli iso si natago khu hwane gwaye.

Mahegiso nya gilo i tshukwana guvbindra maphelelo yaye. I tshukwana gu timisela, guvbindra dzihanyi.

Mafuni momu, mwalo muthu nya gululame, a thumago basi iso nya sadi nyamba ghoha.

Kholu guti gu ngu vhikela muthu, kha nga dzitsapawu nidzo dzi ngu vhikela, aholu, guti gu ngu phasa ngudzu kholu gu ngu ninga guvbanya vale va gu nago.

Gwadi ngudzu gu mana lina nya guzundege vbakari nya vathu, guvbindra mafura nya gunungele ma rengwago khu tengo nya wungi, ni litshigu nya gufe, guvbindra litshigu nya gu velegwe muthu.

I tshukwana gu kawukwa khu muthu nya guti, guvbindra gu yingisa litembo nya gipumbu.

I tshukwana gu tutumela nyumbani nya gililo, guvbindra nyumbani nya buzo. Kholu avbovbo khavbo a gu mahegiso nya muthu; ni vale va vbanyago va fanede gu pimisa.

Myonyo ya vathu nya guti yomo nyumbani nya gililo, aholu ya avo nya sipumbu yomo nyumbani nya buzo.