Popular Bible Verses from Muhevbudzi 1

Share

Kholu avbo wu etago wugengeli, gu tade sigaradzo, ni avbo gu etago mapimo nya guti, gutshaniseka gungi.

Iso si nga bani si romo khu gale si na simama siri kharato; iso si nga bani si giridwe si na bwelo khavbo si girwa; gi mwalo gilo gi gu giphya mafuni.

Satshavbo silo si ngu garadza, aholu mwalo a kodzago gu ninga tshamuselo. Maho kha ma kodwi khu gu wona, ni ndzeve niyo kha yi garali khu gu yingisa.

Gu dzi pfhadza nya gu dzi pfhadze, a ngu ganela kharalo Muhevbudzi, gu dzi pfhadza nya gu dzi pfhadze! Satshavbo gu dzi pfhadza. Gasi giphaso muni muthu a gi manago khu thumo watshavbo a thumago vbavbatshi nya lidambo, na?

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Vambe vathu gu velegwa, vambe gufa, aholu mafu ma gu simama nga idzo ma guromo khidzo khu gupindruga ni gupindruga.

Iso si vbindridego mwalo a si alakanyago; niso si nga gutago kha si na dundrugwa khavo va natago khu hwane.

Nyi dzi ningede khu monyo wangu gasi guti gwadi wugengeli, ni guti gambe lihure ni wupumbu. Nyi di wona gambe gukheni satshavbo sesi gu tutuma hwane nya phuvbo yi vbindrago.