Popular Bible Verses from Marcos 2

Share

Tsaynö niyanqanta wiyaykurmi Jesús nirqan: <<Sänu kaqkunaqa manam mëdicuta nisitayantsu, sinöqa qeshyaqkunallam. Noqaqa manam jutsaynaq runakunamantsu shamurqü, sinöqa jutsasapa runakunamanmi>>.

Tsay runakuna payman criyiyanqanta musyarmi qeshyaq runata Jesús nirqan: <<Hïju, llapan jutsaykipitam perdonashqana kanki>>.

Tsaypitanam Jesús nirqan: <<Manam jamay junaq raykutsu runata Tayta Dios kamarqan, sinöqa runakuna raykurmi jamay junaqta kamarqan.

Atskaq runakuna kichkiräyaptinmi punkupa yaykutsiyta puëdiyarqantsu. Tsaymi wayi jananman yarkaskatsir qataraykanqanta kichaskir kirmantinta Jesúspa puntanman yarpatsiyarqan.

Runapa Tsurinqa kay patsachö runakunata perdonananpä poderyuqmi kaykan. Tsaytam kanan musyayanki>>. Tsaypitanam puriyta mana puëdiq runata nirqan: <<¡Shäriy! Kirmaykita apakurkur wayikipa aywakuy>>.

¿Mayqantä mas aja? ¿Runapa jutsankunata perdonayku? ¿O qeshyaqta allïtsiyku?

Tsaynö niptinmi jinan höra shäriskir kirmanta apakurkur allishqana aywakurqan. Tsayta rikaykurmi runakuna pasaypa espantashqa Tayta Diosta alabar niyarqan: <<¡Kay runa allïtsinqantanöqa manam imaypis rikarquntsiktsu!>>