Popular Bible Verses from Mateo 17

Share

Jesúsnam nirqan: <<Shumaq mana yärakurmi qarquyta puëdiyarquykitsu. Rasunpam nï: Ñäbuspa murunnö ichikllapis yärakuynikikuna kaptinqa taqay jirkata witikunanpä niyaptikipis witikunmanmi. Manam imapis alläpa ajatsu qamkunapä kanman.

Pedro tsaynö ninqan höram chipipiykaq pukutay paykunata tsapaskirqan. Pukutaypitanam Tayta Dios nimurqan: <<Paymi kuyay Tsurï. Paypitam kushikü. Pay niyäshunqaykita cäsuyay>>.

Jesúsnam nirqan: <<¡Yärakuyniynaq jutsasapa runakuna! ¡Imayyaqrä qamkunawan kaykäshä! ¡Imayyaqrä qamkunata awantayäshayki! Mä tsay jövinta apayämuy>>. Puntanman chaykatsiyaptinnam jövinta ñakaykätsiq supayta Jesús ollqutuparqan. Tsaymi supayqa jinan höra jövinpita yarquskir aywakurqan. Tsay hörapitam jövinqa alliskirqan.