Popular Bible Verses from Mateo 13

Share

<<Peru wakin runakunam sïqa alli allpanö kayan. Paykunaqa Tayta Diospa willakuyninta cäsurmi Tayta Dios munanqannö kawayan. Tsaymi alli allpachö juk murullapita pachak (100) trïgu o joqta chunka (60) trïgu o kimsa chunka (30) trïgu wayunqannö kayan>>.

<<Wakin runakunaqa kasha chakranömi kayan. Paykunaqa Diospa willakuyninta wiyarpis kay vïdachö imaykapä llakikur y rïcu kayllapä yarpachakurmi Diospa willakuyninta qonqaskir mana wayuq trïgunö kayan.

Trïgu muruqa Tayta Diospa mandakuyninpa willakuyninmi. Wakin runakunaqa chukru näninömi kayan. Tsaymi Tayta Diospa willakuyninta wiyarpis mana chaskikuyaptin Satanás shamur wiyayanqallantapis qonqaskatsin.

<<Wakin runakunaqa shaqa chakranömi kayan. Paykunaqa Diospa willakuyninta wiyar kushishqam chaskiyan. Kushishqa chaskirpis matsükuyta mana puëdiq trïgunömi kayan. Tsaymi Diospa palabranta chaskiyanqanpita runakuna chikiyaptin criyikuyninta jaqiskiyan.

<<Tayta Diospa mandakuyninqa chakrachö qellay pamparaqmanmi iwalan. Juk runash chakrachö atska qellay pamparaykaqta tarinä. Tsay qellayta tariykurshi kanqallanman pampaykunä. Tsaypitanash llapan imaykankunatapis rantikuskir tsay qellay pamparaq chakrata kushishqa rantinä.

Peru wakin murunash alli allpaman chänä. Tsaychö alli wiñamurshi alli espïgayuq kayänä. Wakin espïgash pachak (100) trïguta wayunä, wakin espïgash joqta chunka (60) trïguta wayunä y wakinnash kimsa chunka (30) trïguta wayunä.

Segayaq tsayllachö dëjaykuyay. Segaqkunatanam nishä: <<Puntata ballïcuta qoriskir kayanantsikpä wankuyay. Peru trïguta sïqa qoriskir trïgu churakunäman churayay>> > >>.