Popular Bible Verses from O ROMA 13

Share

Tanu ma Jou Yesus Kristus wohi tantu okia ngini kokiani nia diai. Deʼ uha niodomoteke o nyawa yoböbaradoha manga biaha la ihi aiki manga nahihu madorou.

Kao nagonaika nagaö de uha nimakanagimi okianaga, sowaliua nimakanagimi o dora moi de moika. Hababu o nyawa yädora-dora manga dodiawo o nyawa, yatotomoka o Musa aitita.

O nyawa moi-o nyawa moi kokiani niahigihene o poparetaika, hababu koiwa naga o popareta yamäkeua manga kuaha ma Jou Madutuino. Deʼ o popareta o öraha nënanga naga, ihi dagi manga kuaha imoteke o pareta ma Jou Madutuino.

O hutu ngade-ngade itilakuroka; deʼ mahutuohi aha itebini. Hoʼ, kayaoa de ngone homa togumu hodiai o manarama o huhutu mamanarama. Ngone kokiani homahi dero nanga diri de o dararono madaë.

O nyawa yädora-dora o nyawa mahomoa, aha yodiaiua o dorou o nyawaika gënanga. Hoʼ o nyawa yädora-dora manga dodiawo o nyawa ganga o nyawa yatötotomoka mata-mata o agama matita madodagi.

Hoʼ nofangu o poparetaika okia kokiani Riadodoto nofangu onangika. Nofangu o soungu nako kokiani Riadodoto nofangu o soungu; deʼ nofangu o ngasi nako kokiani Riadodoto nofangu o ngasi. Yädododato kokiani önanga nädodato deʼ yähohoromati kokiani önanga nähoromati.