Popular Bible Verses from O ROMA 10

Share

Hababu nako Riadodoto nomangaku de aniuru ”O Yesus gënanga ma Jou”, deʼ Riadodoto nongaku anihininga magoronaka ma Jou Madutu wihiwangoka o Yesus o honenge mahigoronaka, done Riadodoto aha nohalamati.

Karana de aihininga ünanga wongaku, hiädono ma Jou Madutu witarima ünanga hokä o nyawa imateke oa-oa de ma Jou Madutu. Deʼ aiuru ünanga womangaku, hiädono ünanga iwihihalamati.

Mahababu gënanga o nyawa idadi yongaku karana önanga yoihene o abari, deʼ o abari yoihene karana naga o nyawa ihingahu mangale o Kristus.

Ma Jou Ai Demo ma Buku magoronaka i tulihi, ”O nyawa yongaku-ngaku aha manga nganono ihihangua.” Gënanga idadi o nyawa mata-mataika, hababu o Yahudioka manyawa de o hoana de o berera mahomoa manyawa koiwa imako howono. Ma Jou Madutu womatëngo-tëngo gënanga ganga mangale o nyawa mata-mata manga Jou. Unanga wahidöaka Ai barakati de maboboloi o nyawa mata-mataika yogögaho-gahoko o roriwo Unangika. Ma Jou Ai Demo ma Buku magoronaka itulihi, ”O nyawa mata-mata imahiböaka ma Jouika, aha yohalamati.”

Deʼ sarakia yakunu o nyawa yoao o abari gënanga nako moiua yähuloko? Ma Jou Ai Demo ma Buku magoronaka itulihi hokonënanga, ”Hokokia mahailoa manga böa o nyawa yoao-ao o Abari ma Oa ma Jou Madutuino!”

Mä sarakia o nyawa yakunu imahiböaka ma Jouika nako önanga iwingakuowahi? Deʼ sarakia önanga yakunu iwingaku ma Jouika nako önanga yoihenowahi mangale Unanga? Inoli, sarakia önanga yakunu yoihene mangale ma Jou, nako moiua naga ihingahu?

O agama matita o Kristus itotomoka wadiai. Hoʼ moi-moi o nyawa iwingaku o Kristusika, manga rimoi de ma Jou Madutu yaoakali.