Popular Bible Verses from O HIMATOKO 3

Share

Niolega! Ngohi tomaokoino o ngorana mahimangoka deʼ Tötolo. Nako naga o nyawa Ahi ilingi yoihene, deʼ yahelenga o ngorana, Ngohi aha towohama mimamäke de ünanga; Ngohi aha tol̄omo dede ünanga deʼ unanga wol̄omo dede Ngohi.

Ngohi tohiöriki okia ngini niadiai; Ngohi tohiöriki ngini nimätua deʼ nihaukuaö. Ngini kokiani itimoi, nimäta ekola nihauku! Mä ngini kani bikihau; nihaukua, nimätaö makowali. Hababu gënanga Ngohi aha tinihingunanga ngini nihupu Ahi uru magoronaiha.

O nyawa Tadora-dora önanga Tataaere deʼ Tagohara. Karana gënanga kokiani ngini niahininga niaputurungu, deʼ ibötohi nidiai o baradoha.

Ngohi tohiöriki okia ngini niadiai. Ngohi tohiöriki ngini hokokiaua niabuturungu; mangini niamotekoka Ahi dodötoko deʼ nisetia Ngohino. Mangale ngini tini dobelengaka o ngorana moi, ka o nagonaö dika yakunu yatamunu.

Onanga youtu-utumu, aha Tahigumal̄a yogogere Ahi kuruhi imomuliaka dede Ngohi, hokä imatero Ngohi mahireteö toutumoka deʼ orahanënanga togogere de Ahi Ama Ai kuruhi imomuliaka.

Ngini niato, ’Ngomi mikaya deʼ irupa-rupa iyaoaka; okia-kiakaua tongomi miakuranga.’ Mä ngini nihiörikua hokokia niahangihara deʼ hokokia yahuha niarupa! Ngini nimihikini, nimahekono deʼ nipiloko.

Hababu ngini niamotekoka Ahi pareta laʼ nitäna, Ngohiö aha Tinihohongino maöraha o huha aha yatapal̄u o dunia ingodumu. O hali gënanga aha idadi mangale yäcoba o nyawa o duniaka mata-mata.

Ngohi toböa de mahiapotoka! Niogöana nihidodiai okianaga nginioka, laʼ o nyawa moiuaö yaora niautumu mangongikeino.

Hababu gënanga, nimomiki, deʼ niakuata okia kanagahi nginioka, koihonenguahi mata-mata gënanga. Hababu Ngohi tamäkeokia ngini niadiai kamoiö de itotomuahi ma Jou Madutu aihimangoka.