Popular Bible Verses from O PILIPI 2

Share

Uhali nidiai okia naga moi karana inihititila nia diri mahirete maparalu, ekola mangale nihikurutil̄e nia diri. I idulu yaino kokiani ngini moi-moi de nia hininga madodipokouku niä pulono o nyawa mahomoa iholoi yaoa de nia diri mahirete. Nia tailako nia gou-goungu o nyawa mahomoa mangaparalu; uha duga-duga nia diri mahirete ma paralu.

Kokiani ngini nia jiwa hokä o Yesus Kristus

Kade mahirahi Unanga imatero de ma Jou Madutu, mä Unanga womamäoua ai hali okia naga hokä o Jou gënanga ko kiani Wasosö. I idulu yaino, Unanga wapidili mata-mata daha womadadi hokä o gilaongo moi. Unanga womadadi hokä o nyawa, deʼ hïmäke wowango hokä o nyawa. Unanga wohitipokouku Ai diri, deʼ wowango de ai momoteke ma Jou Madutuika hiädono wohonenge – enagënanga wohonenge o saliboka.

karana ma Jou Madutu mahirete womanarama nia diri magoronaka la yadiai ngini de nia hininga mangigo deʼ sadia aha nia sanangi ma Jou Madutu ai hininga.

Hababu gënanga ma Jou Madutu wïgöraka Unanga wakö kurutil̄e, de wihidöaka Unangika o kokuaha i holoi i lamoko de hagala o kokuaha mahomoa. Ho mangale iwi horomati o Yesus, mata-mata o dodadi o horogaka, deʼ o duniaka, de o dunia matimiuku aha iwi huba Unanga. Onanga mata-mata aha yoma ngaku o Yesus Kristus ma Jou; de hoko gënanga ma Jou Madutu o Ama iwi himulia.

Nia manarama hagala moi-moi de uha nitotaiana ekola nima teke roributu. De hoko gënanga ngini nihidumutu ngini ganga ma Jou Madutu ai ngoha-ngohaka koiwa nia kuranga niwango de nia hininga itebini de itiai o nyawa madorou deʼ yoböbaradoha manga hidogoronaka. Deʼ maöraha ngini nihi ngahu onangika o abari ihi döa-döaka o ngango, kokiani ngini nimadadi onangika hokä o cahaya i hiwa-hiwara yatotararono o dunia. Nako ngini niwango hokä hoko gënanga, dahaö naga o titi ngohino mangale tomamäo tolamoko mangale ngini maöraha o Yesus Kristus woböali. Gënanga manyonyata igoungu to ngohi ahi parahajaua deʼ tongohi ahihi dailako naga de mahasili.

Hababu gënanga, Roriadodoto tinï hohininga, hoka sarakia ngini salalu nitomoteke ngohino maöraha ngohi naga tingini nia hidogoronaka, ho maboboloi öraha nanga maöraha homaki tingaka magurutika, kokiani ngini i tatapu nitomoteke ngohino. Ngini ma Jou Madutu wini hihalamatoka, hoʼ nihidailako nihi gila-gila hupaya nia ngango isosanangi idadi itotomo. Niadiai gënanga de mahoromati deʼ nioigo nitomoteke ma Jou Madutu ika