Popular Bible Verses from O BILANGAN 13

Share

Mä o Kaleb wohi rïdi manga hininga o nyawa yototaiana o Musaika. O Kaleb wato, ”O berera gënanga kokiani ngone ha parangi deʼ ngone haora öraha nanga dika, karana ngona kayaoa nanga kuata mangale hahohihanga.”

Maboboloi mïa make o nyawa hokä o meki, enagënanga o Enak manyawa manga difauku. Mimahi tero de önanga, ngomi mima mao hokä o kahoho, deʼ maraioka hoko gënanga önanga manga damake ngomino.”

Mä o nyawa ima idulu yolo lio-lio de o Kaleb gënanga yo temo, ”Kowali, ngone hakunua haparangi önanga. O berera madutu gënanga iholoi yokuata de ngone.”

Daha önanga ihi ngahu ihi ade-ade o jarita ielu-eluku o Israel manyawa manga hidogoronaka mangale o berera önanga ya tö tailakoka gënanga önanga yato, ”O berera gënanga duru de mabodito, maboboloi mangale maberera madutu mahirete. O nyawa-nyawa ngomi miä make-make dokengoka duru ma ago-agomo manga roëhe.

Onanga yato o Musaika, ”Ngomi mia tailakoka o berera gënanga deʼ mia make matonaka ikaya deʼ iburere, deʼ nënanga mahuhu tulu o hohoko dokaino.

Mä o berera madutu gënanga yokua-kuata. Toönanga manga kota kahä ago-agomo deʼ mabebeno o mehele. De inoli, ngomi mia make o nyawa manga ago-agomo manga difauku.

O Amalek manyawa yogogere o berera gënanga o korehara il̄e idaduoka; o Het, o Yebus deʼ o Amori manyawa yogogere madaera itotoporonoka; hode o Kanaan manyawa yogogere imoteke ma gurutu o ngöto deʼ imoteke magurutu o Yordan ma Ngairi.”

deʼ ihi ngahu yoade-ade o Musaika, o Harun deʼ yo ngodumu o Israel manyawa magogiriaka ima toomu o Kades mabereraka o Paran matonaka ikokakahaka. Onanga ihi ade-ade okianaga önanga yamö make-makeoka deʼ ihi matoko o hohoko önanga yao-ao.