Popular Bible Verses from O MIKHA 4

Share

O höana deʼ o berera yogetongo o dunia mal̄okuoka yahuba deʼ ihi ngounu manga gikirika mahirete. Mä ngone aha hihi ngounu to ngone nanga Jou Madutuika deʼ hihuba Unanga mangale kahiado-adonika.

önanga mata-mata aha yotemo, ”Niaino ngone hodoa ma Jou Ai doporonil̄e o Israel manga Jou Madutu Ai Tauil̄e! Unanga aha wo na dotoko ngoneino okia kokiani ngone hadiai. Ngone aha haniki Ai ngekomo hababu ma Jou Ai dodotoko iboa o Yerusalemino; o Sion ino Unanga wätemo Ai umatika.”

Hagala o wange ibö boa-boa o doporono, ma Jou Ai Tau mangï aha ioko itiaiil̄e deʼ ituboil̄e ikurutil̄e yatilakuru hagala ol̄oku deʼ hagala o doporono. Hagala o höana deʼ o berera yotuo-tuono dokengika

Ma Jou aha waputuhu manga parkara o hoana deʼ o berera ma ago-agomo manga hidogoronaka hagala o negara ma kua-kuata mahidogoronaka, magogurutika yaoa ma digi-digino. Onanga aha ima dutuku hagala toönanga manga dia idadi o pajeko deʼ hagala toönanga manga kuama idadi o gakana ihipopoporo. Hagala o höana deʼ o berera ma ago-agomo ima teke parangiokauaoli, ima hidiaiokauaoli yomau yoparangi.