Popular Bible Verses from O MATIUS 24

Share

O dorou aha itagi ihora hokogënanga magiria hiädono manga ngöe o nyawa yakunokaua imakodora. Mä o nyawa yototongohono hiädono mabaha, aha yahihalamati.

Deʼ o Abari ma Oa mangale sarakia ma Jou Madutu wopareta aha ihingahu o dunia mata-mataika, hupaya mata-mata o nyawa yoihene gënanga. Iböto de gënanga dahaö o kiamati i böa.”

Ngini aha niihene imateke parangi mailingi, deʼ o parangi ma abari, mä uha nihawana. Hababu o hali gënanga kokiani idadi, mä genanga mamangarati owahi o kiamati maorahoka.

O hoana moi aha yäparangi yälawani o hoana mahomoaika, deʼ o negara moi yängika yälawani o negara mahomoaika. Kiaka dika aha idadi o habirokata deʼ o ohu. Mata-mata gënanga aha madodihiraka imuläenge, hokä o ngoheka momatëngo mamäo mahiri maöraha amingohaka imau imakil̄au.

O dihanga deʼ o dunia aha ihihanga, mä Ahi demo itatapu kahiado-adonika.”

Hababu mangangöe o nyawa aha yoböa yapäke Ahi romanga deʼ yotemo, ’Ngohi nënanga ma Koano Wohihohalamati!’ Onanga aha yätipu manga ngöe o nyawa.

Ipaha ngini inïtagoko deʼ inihilapahi la inïhangihara deʼ inïtoma. O dunia mata-mataika aha inïdohata ngini karana ngini Nihinöninïki. O öraha gënanga manga ngöe o nyawa aha yosetia okaua manga agamaika deʼ imakitipu la ibötohi yosetia de imako dohata moi de moi. Manga ngöe o nabi-nabi madutua yoböaino imahimatoko yätipu manga ngöe o nyawa.

O Yesus wäbaluhu, ”Nimä göana, uha hiädono ngini inïtipu.

Hababu gënanga, nginiö kokiani nima sadia nimä göana. Karana o Nyawa manga Ngohaka aha woböa maöraha ngini nia näko-näkoua.”

Hoʼ, nimä göa-göana, hababu ngini nianäkoua muruonoka nia Jou aha woböa.

”Moiua ihi öriki muruonoka mawange deʼ majam, o malaekat-malaekat o horogaka ihiörikua, ma Jou Madutu ai Ngohaka mä kowali, duga-duga Ahi Ama dika wohiöriki.

Hababu yaino imahi dumutu ihihohalamati madutua deʼ o nabi-nabi madutua. Onanga aha yakarajanga o manarama biaha-biahaua, deʼ i hëra-hëranga la yätipu, nako yakunu ma Jou Madutu aiumati ö.

Oraha okia o Nyawa manga Ngohaka dahaö woböa, madodagi hokä mahiraino o Nuh aiorahoka. Ma wange o nguihi ma ago-agomo iböa owahi, o nyawa yol̄omo de yokere deʼ yokawingi. Hoko gënanga gila-gila kai taurika, hiädono mawange o Nuh wowohama o kapa magoronaika. Maöraha o nguihi gënanga yäolu önanga mata-mata, dahaö önanga yamäo de yanäko okia aha idadi magogiriaka dede önanga. Hoko genangoli madodagi, nako o Nyawa manga Ngohaka woböa.