Popular Bible Verses from O MATIUS 16

Share

Ipaha o Yesus wätemo iwinöninïkika, ”O nyawa yomau ihinïki Ngohi, kokiani yawohanga manga diri maparalu, yamoku manga salib deʼ higila-gila ihinïki Ngohi.

Hababu gënanga la nohiöriki, ngona ganga o Petrus, o nuha ikua-kuata. Deʼ o nuha nënanga mal̄okuoka Ngohi aha tohigoko Ahi gereja, yahihanga yakunua; ngarokö ohonenge makuaha.

Ngohi aha tohidöaka ngonaika ma Jou Madutu ai Dunia ma Hungi toëna makusi. Okia ngona nö duhunu o dunia mal̄okuoka, o horogakaö yöduhunu. Deʼ okia nato itiai o dunia mal̄okuoka, o horogaka ö yato i tiai.”

Hababu o nyawa yomau yoriwo manga ngango, aha ihihanga manga Ngango. Mä o nagona ihidöaka manga ngango mangale Ngohi, aha yamäke manga ngango.

Okia mautumu onangika nako ingodumu o dunia nënanga, idadi kato önanga, mä ihihanga manga ngango? Yakunu o ngango gënanga hitagali de okianaga moi?

”Mä imoteke ngini mahirete, Ngohi nënanga o naguna?” O Simon Petrus wohaluhu, ”Bapa Ngona o Koano Wohihohalamati, ma Jou Madutu ai Ngohaka No Wango-wango.”

”Noutumu duru ngona, Simon o Yona aingohaka!” o Yesus wato. ”Hababu o hali nënanga o nyawaua inihingahu ngonaika, duga-duga Ahi Ama o horogaka.