Popular Bible Verses from O MATIUS 13

Share

Deʼ o gihihi itifa o tonaka iboburereuku gënanga hohitero o nyawa yoihene o abari gënanga deʼ yanäko mamangarati. Onanga manga hohoko iwöe, naga o ratuhu moi, naga moributanga, deʼ naga moruange mahasili.”

O gihihi itifa o momo ihohihika mahidogoronauku gënanga hohitero o nyawa yoihene o abari gënanga, mä yohawatere mangale manga wowango, deʼ yonahihu yowango okia-kiaua yokuranga. Karana gënanga o abari ma Jou Madutuino ihidehoto manga hininga magoronaka hiädono ihohokua.

O gihihi itifa o ngekomuku, hohitero o nyawa yoihene o abari mangale sarakia ma Jou Madutu wopareta, mä imangaratiua. O Dorou idodiai gënanga yaino deʼ yaora, okia hibari-barihoka manga hininga magoronaka.

O gihihi itifa o tonaka ihohelewouku, hohitero o nyawa yoihene o abari gënanga, deʼ gila-gila yatarima de mangahininga isanangi. Mä o abari gënanga imahingutukua mangahininga magoronaka, hiädono itongohonua. Hoko gënanga önanga yatagongo o huha ekola o aniaya karana o abari gënanga, gila-gila önanga imadohuku de yosetiaokaua.

”O örahaokia ma Jou Madutu wopareta, madodagi hokä o hitotero nënanga: Naga o arata o tonaka magoronaka imahi baituku, deʼ womatëngo wofai-faiti de wamäke, deʼ wohi baitokali o tonaka magoronauku. Ipahaika karana aimörene, o nyawa gënanga woiki wahukunu mata-mata aiarata, deʼ woma kilioro waija o tonaka gënanga.”

Mä nagaoli magihihi itifa o tonaka iboburereuku, hoʼ ihohoko; naga ilio hara maratuhu moi, nagahara mamoributanga, deʼ nagali hara mamoruange.”

Nia mal̄aika o nguhumu gënanga ibori wango de o gandum hiädono o gugutuku maöraha. Dahaö ngohi aha tätemo youtu-utukika: Nia toomu ihira manguhumu, nialiko, deʼ niatuhuku. Iböto gënanga niatoomu magandum, deʼ niagogono matauika.’ ”