Popular Bible Verses from O MATIUS 10

Share

”Niohininga nënanga: Ngohi tinïhuloko hokä o duba imägaku-gakunua, o serigala ihohatera mahi dogoronaka. Ngini kokiani nisawaro de nimä göana hokä o dodiha deʼ nia hininga irikoto hokä o namodara.

O nyawa yoriwo manga ngango, aha i hihanga manga ngango, mä o nyawa ihihanga manga ngango karana yosetia Ngohino, aha yamäke mangangango.”

Uha niämodongo yatoma niaröehe, mä yokuahaua, yatoma niajiwa. Niwï modongo ma Jou Madutu wokuaha wabinaha kayaoa o röehe, yaoa o jiwa o naraka magoronaka.

Deʼ o nagona yoluku yamoku manga salib deʼ ihinïki Ngohi, ipatutua yodadi ihinöninïki.

”O nagona hönanga imangaku yowöe-wöe manga himangoka önanga ihinöninïki Ngohi, Ngohi ö aha tomangaku önanga Ahi Ama o horogaka aihimangoka, önanga ihinöninïki Ngohi. Mä o nagona hönanga yowöe-wöe manga himangoka imahi pongono önanga ihinö ninïki Ngohi, onangö aha Tahipongono Ahi Ama o horogaka ai himangoka.”

Niahitogumu o nyawa yopopanyake; niahiwango o nyawa yohone-honengoka; niahitogumu o nyawa yäpado-pado, deʼ niaduhu o womaha madorou. Ngini niatarimaka mata-mata gënanga de mabobangu koiwa. Hoʼ, nginiö niahidöaka de mabobangu koiwa.

Hababu gënanga, uha nihawana! Ngini niaija iholoi de o totoai!”

”Uha niatobote, Ngohi toao o dame o duniaino. Ngohi to aoua o dame, mä o galawani.