Popular Bible Verses from O IBRANI 6

Share

Tongone nanga ngonganono gënanga hokä o tapu imahibaiti duru kahalukuku deʼ imahirupa o jojö ikua-kuata deʼ koiwa o hawana nanga ngangoika. O ngonganono gënanga yatotara o Ngï Duru i Tebi-tebini maguba ma Jou ai Tauoka o horoga magoronaka.

Ma Jou Madutu koigoungua ma Jou Madutu woadi-adilua. Unanga kowawohangua okia ngini nimanarama Unangika, deʼ o dora nihimato-matokoka Unangika maöraha niariwo o roriadodoto o ngongaku moi, örahanënanga de mahira.

O hali hinoto gënanga yakunua ingali: Ma Jou Madutu idadiua woëluku yakorona Ai jaji deʼ Ai koboto. Hababu gënanga, ngone homahöhohongoka ma Jou Madutuika, ihidöaka o hititila ikua-kuata la homahijojö ikëkete o ngonganonika nangahimangoka imahoheika.

Hababu gënanga, niaino ngone hotagi nanga himangika o dodötoko-dodötokika iholoi ikurutika hogila-gila mangale o baluhu o Harani mawowango, deʼ uha duga-duga höhohininga tongone nanga agama madodötoko mahohol̄e madodihiraka. Uha ngone högilioli o dodötoko mahohol̄e madodihiraka o nyawa kokiani imatogumu yodiai hagala o hali mafofaidäua deʼ kokiani hingaku ma Jou Madutuika