Popular Bible Verses from O IBRANI 2

Share

Deʼ mangale gënanga Unanga mahirete mamoi iböto watagongo o huha de o hangihara deʼ iwi taili, Unanga wakunu wäriwo hagala o nyawa yäkokorona o bobaja, hababu Unanga mahirete mamoi iböto iwitaili deʼ watagongo o huha de o hangihara.

Mangale mahababu hagala o nyawa Unanga wähëtongo o ngohaka gënanga, ganga o nyawa o dodadi yakunu ihonenge, ho o Yesus mahirete wodadi imaketero dede önanga deʼ wowango marupa o nyawa magoronaka. Unanga wodiai hokogënanga, hupaya de to Una Ai honenge Unanga wakunu wawedere o Ibilihi yakokuaha o honenge.

Mahababu gënanga kokiani ngone iholoi hagou-goungu homahijöjö o dodötoko-dodötokika ngone hoihe-ihenoka, hupaya uha ngone hodogumal̄aika tongone nanga ngongaku.

Nënanga mamangarati kokiani Unanga imaketero de Ai roriadodoto hagala o hali magoronaka. Deʼ de gënanga Unanga wakunu wodadi o Imam womo Mulia de wososetia deʼ de Ai dora de Ai hayanga. De Ai leleani gënanga o nyawa manga baradoha yakunu iapongo.

Mä ngone hamäkeoka örahananga o Yesus wokuaha! Unanga iwidiai mahuhutulu iholoi wotipokouku de o malaekat o öraha madodipokoino, hupaya de ma Jou Madutu aihininga maoa Unanga yakunu wohonenge mangale o umati mata-mata. Ngone hamäkeoka örahananga iwihidöaka Unangika o ngï imomulia deʼ duru de mahoromati, karana Unanga watagongoka o huha de o hangihara hiädono wohonenge.