Popular Bible Verses from O IBRANI 10

Share

Kokiani ngone itatapu homatoomu homa kokomoteke, deʼ uhali hoalipä hokä o nyawa mahomoa. Ngone igoungu kokiani iholoi hosetia homa hikukuata, hababu ngone hohiöriki itedekanokaua ma Jou aha woböa.

Deʼ kokiani ngone homateke tailako, hupaya ngone yakunu homahikodöaka o hititila la hädora nanga dodiawo deʼ hodiai hagala o hali maoa-oa.

Kokiani ngone homahijojö habitu-bitumu o ngonganonika ngone homomangakuoka, hababu ma Jou Madutu yakunu hïngaku deʼ Unanga aha wohiganapu Ai jaji.

Ngini iparalu nisabari, hupaya ngini yakunu niadiai ma Jou Madutu aimau deʼ dehokogënanga niatarima okia inihijöjäjajioka.

Hababu gënanga, niaino ngone homahitigika ma Jou Madutuika de nanga hininga madebi-debini deʼ nanga ngongaku ibitu-bitumu; de nanga hininga ihitebinoka de o mamäo ihöhowo-howono deʼ de o röehe ihitebi-tebinoka de o akere madödodono.

Mangale karana gënanga, uha niangonganono itoaka, hababu nako ngini itatapu ningaku, done naga niahewa iholoi ilamoko o hidoku gënanga!

Hababu nako o abari madiai ma Jou Madutuino ihiadonoka ngoneino, mä ngone kagila-gila dika hohangaja o baradoha hodiai, done koiwaka naga o huhuba la yaehe tongone nanga baradoha. Imatötëngo-tëngo nanga naga mangale ngone enagenangala höhimanga ma Jou Madutu aiadili de Ai dohata mauku deʼ aha yatuhuku yamata-mata hagala o nyawa iwilawa-lawani Unanga!