Popular Bible Verses from O GALATIA 6

Share

Hababu gënanga, uha ngone högihounu hodiai o hali maoa-oa; hababu nako ngone homatogumua hodiai o hali gënanga mamoiuku ngone ahaö hautuku mahasili.

Hoʼ madëkana de magurutu naga o öraha ngoneoka, kokiani ngone hodiai o oa-oa o nyawa mata-mataika, maboboloi nanga roriadodotika homa teke o ngongaku moi.

Kokiani ngini nima kokabatumu nia tagongo o nyawa manga gina, hupaya de hoko gënanga ngini nia motekoka o Kristus ai pareta.

Uha inï tipu. Ma Jou Madutu idadiua imahi gogule! Okia yadatomo, genangala yautuku.

Nako o nyawa yodatomo imoteke o nyawa mabiaha, ünanga aha wautuku o honenge mabiahaino gënanga. Mä nako ünanga wodatomo imoteke ma Jou Madutu ai Womaha matutuda, ünanga aha wautuku o ngango madutu deʼ ikakali ma Jou Madutu ai Womahino.

Roriadodoto! Nako o nyawa womatëngo niwi mäke o baradoha moi wodiai, kokiani niwö wango-wango niamoteke ma Jou Madutu ai Womaha, niwituda o nyawa gënanga womakilioro o ngëkomo madiai ika. Mä kokiani ngini niadiai gënanga niwi bole-bole, deʼ nimä göana uha hiädono ngini mahirete inï däene o bobaja.

Nako o nyawa womatëngo watobote ai diri duru i baraguna, ena hioko kowali, o nyawa gënanga waeluku ai diri mahirete. O nyawa amomoi kokiani yatailako manga diri boteka ai kalakuanga yaoa ekola kowali. Nako yaoa, ünanga yakunu wamäo ai hininga ilamoko de o hali gënanga. Mä ngaro uha ünanga wohi tero-tero de okia o nyawa mahomoa yadodiai. Hababu moi-moi o nyawa kokiani yamoku mahirete imahi tagongo mabobaluhu.