Popular Bible Verses from O YEHEZKIEL 18

Share

Ngohi tosangua nako imatengoani yohonenge. Nia mal̄a hagala nia baradoha hupaya ngini kahirahi niwango. Ngohi o Jou Duru toko Kurutil̄e totemoka.”

O nyawa yododiai o baradoha, unangala aha wohonenge. O ngohakua kokiani watagongo mahasili ai ama ai howono; idulu yaino, o amaua kokiani watagongo mahasili aingohaka manga baradoha. O nyawa maoa aha yamake mabarakati maoa-oa karana ai manarama maoa-oa. Deʼ o nyawa madorou aha yatagongo o hangihara mahasili manga dorouino.

Nimatogumu hagala o dorou ngini niadodiai deʼ mal̄aika nia pikiranga idadi mahungi. Yadodoa ngini kokiani nihonenge?

Boteka napikiri Ngohi ma Jou Duru toko Kurutil̄e tosanangi nako o nyawa madorou yohonenge? Hakali-kali kowali! Ngohi toigo ünanga wamal̄a hagala ai baradoha hupaya ünanga kahirahi wowango.

Nako womatengo iwitotorou wodiaiokaua o baradoha, deʼ mulaenge wohingounu hagala Ahi tita, ikali wadiai o manarama maoa-oa deʼ o diai, ünanga aha wohonengua.

Unanga wamoteke Ahi pareta deʼ wohingounu hagala Ahi titaika. O nyawa hoko gënanga yorikoto deʼ aha kahirahi yowango. Ngohi, o Jou Duru toko Kurutil̄e totemoka.