Popular Bible Verses from O EFESUS 6

Share

Hababu ngone hakudoti o nyawaua halawani, mä halawani hagala hetanga makuata yakuaha öraha itotorou nënanga. Ngone halawani o womaha madorou makuata yakuaha o gitawaino.

Nia diai mata-mata gënanga de nimä niata mangale nigahoko o roriwo ma Jou Madutuino. Oraha mahigetongo, nimaniata hokä sarakia ma Jou Madutu ai Womaha inituda ngini. Kiani hoko genangika ngini nimagöana deʼ uha nimaike. Hoko genangika nima niata mangale mata-mata ma Jou Madutu ai umati.

Nia päke o kudoti madaë ingodu-ngodumu winihi döakoka ma Jou Madutu nginika, hupaya ngini niyakunu nima tumungu nia lawani ma akali madodagi isosawaro o Ibilihino.

Hababu gënanga, öraha nënanga nia päke ingodumu ma Jou Madutu ai kudoti madaë, hupaya ma wange itotorou ngini niyakunu nia lawani nia haturu makudoti. Deʼ hupaya tingini nia kudoti hiädono mabaha ipaha, ngini kani kua-kuatohi.

Oraha mahigetongo nia päke o ngongaku ma Jouika hokä o dadatoko; de o ngongaku gënanga ngini yakunu nia honenge mata-mata o toimi madoto o uku iwi totorouino. Nia l̄ë o halamati hokä sapeo o waja, de ma Jou Madutu ai demo hokä o oworo ma Jou Madutu ai Womahino.

Kiani ngini nimahidodiai nima göana. Nia päke o setia ma Jou Madutuika hokä o gorona maninikutu, deʼ nia hininga madebi-debini hokä nia baju o behi. Kiani de nia igomangale nihingahu o Abari ma Oa iyao o lolä, idadi nia hapato.

Mabaha, kiani ngini nidadi nikuata de o kuata ngini nia mäke o Jou ai kuahaino, karana ngini nirimoi de Unanga.

”Nia horomati nia ayo deʼ nia ama” ganga o pareta madodihiraka dema jaji ma Jou Madutuino, enagënanga: ”Hupaya ngona noutumu deʼ ani umuru ikurutu o duniaka nënanga.”

Ngoha-ngohaka! Hokä iwininïki o Kristus, nia hingounu nia dimono karana gënanga ipatutu niadiai.